Nagharap ang Spider-Man at Hulk sa Huling Trailer ng 'Spider-Man: Brand New Day'

Inilabas na ng Marvel ang huling trailer ng matagal nang inaabangang Spider-Man: Brand New Day, kung saan muling gaganap sina Tom Holland, Zendaya, at Jacob Batalon bilang Spider-Man/Peter Parker, MJ Watson, at Ned Leeds.

Nagsisimula ang video sa pagbabalik-tanaw sa mga pangyayari sa huling tatlong pelikulang Spider-Man. Binabasa rito ni Peter ang liham na isinulat niya para kay MJ matapos mabura sa alaala nito at ng iba pa niyang mahal sa buhay ang kanilang pinagsamahan. Sa natitirang bahagi ng trailer, sinisilip ang mga magiging pagtatagpo ni Spider-Man kina Scorpion, the Hand, at Hulk/Bruce Banner ni Mark Ruffalo.

Makakasama rin sa cast si Sadie Sink sa isang papel na hindi pa ibinubunyag, si Jon Bernthal bilang Frank Castle/Punisher, si Marvin Jones III bilang Tombstone, si Liza Colón-Zayas ng The Bear bilang Jean DeWolff, at, ayon sa ulat, si Florence Pugh na muling gaganap bilang Yelena.

Panoorin ang trailer sa itaas. Mapapanood ang Spider-Man: Brand New Day sa mga sinehan sa Hulyo 31.