Jaeger-LeCoultre, opisyal nang tinanggap si IU bilang Global Ambassador nito

Opisyal nang inanunsyo ng Jaeger-LeCoultre (JLC) ang isang internationally acclaimed na artist at aktres mula South Korea naIU bilang pinakabagong Global Ambassador nito—isang partnership na nakaugat sa magkatuwang na debosyon sa authenticity at sa masusing pagkamahusay sa sining. Ibinunyag ito sa pamamagitan ng intimate na serye ng Maison naThe Hour Before interview series, kung saan sinusuri ng kolaborasyon ang tahimik ngunit matatag na pagpupunyagi sa likod ng ebolusyon ni IU—mula sa minamahal na “little sister” ng Korea tungo sa pagiging isang multi-faceted na talento ng kanyang henerasyon.

Gaya ng pangmatagalang pamana ng Maison sa Le Sentier, pinahahalagahan din ni IU ang kapangyarihan ng pagiging grounded, na aniya, “Ang pananatili sa iisang lugar ay tunay na nagbibigay-ginhawa sa akin. Pinakakalmado at panatag ako kapag nasa bahay, sa sarili kong espasyo. Doon ko inaayos ang aking mga isipin at doon ko isinusulat ang karamihan sa aking mga gawa.” Sa lawak ng kanyang karera, ang kanyang craft ang naging pangunahing haliging humuhubog sa kanya; pagninilay niya, “Sa puntong ito, ang trabaho ko na ang naging ubod ng kung sino ako, kaya sa totoo lang, kakaunti na lang ang maikukuwento tungkol sa buhay ko kung wala ito.” Nang tanungin kung ano ang pinakamalaking ipinagmamalaki niya, ang sagot niya’y kaayon ng ethos ng isang master watchmaker: “Ang patuloy na pagsusumikap na manatiling buong-pusong nakalaan.”

Ibinubunyag ng partnership na ito ang malalalim na paralelismo sa pagitan ng creative philosophy ni IU at ng pananaw ng JLC sa fine horology, partikular pagdating sa iconic na Reverso. Ipinanganak noong Art Deco era, ang Reverso ay nakikilala sa malilinis na linya at matapang na geometry—isang disiplinadong paglikha ng ganda na lubos na tumutugma sa sensibilidad ng artist. “Para sa akin, napakahirap talagang magpigil,” paliwanag ni IU. “Sa ilang paraan, iyon pa nga ang pinakadakilang anyo ng tapang. Baka mas mangailangan pa iyon ng lakas ng loob kaysa sa ipakita ang lahat.” Sa halip na umasa sa panandaliang trends, ang kanyang sining ay umuunlad sa authenticity at sa tapang sumuong sa hindi pa nalalakbay. Niyaakap niya ang mga creative void bilang oportunidad, at sinasabing, “Pakiramdam ko, ang mismong kawalan ay isang napakagandang pundasyon para sa pagkamalikhain,” at binibigyang-diin na ang kawalang iyon ang nagtutulak sa iyong punuin ang espasyo nang malaya sa iba’t ibang ideya. Ang paghahangad na ito ng lalim—na pinapagalaw ng isang nakatagong driving force na tinatawag niyang “anxiety” at isang hayagang driving force na tinatawag niyang “love”—ang dahilan kung bakit tumatatak at tumatagal ang kanyang mga obra.

Bilang pagmarka sa anunsyo, binibigyang-buhay ng The Hour Before si IU na poised ngunit walang bantay, mahinahong sumasagot sa mga tanong habang maingat na binubuo ang case ng isang Reverso watch. Ang partnership mismo ay tila kamangha-manghang nakatakda sa tadhana; kamakailan, niregaluhan ni IU ng isang JLC timepiece ang isang taong lubos niyang pinahahalagahan, matapos siyang maantig sa mensaheng isinulat-kamay ng staff sa boutique: “A beautiful watch brings beautiful time to its owner.” Ilang araw lamang ang lumipas, inimbitahan na siyang maging bahagi ng pamilyang JLC—isang sandaling inilarawan niya bilang “sobrang surreal.” Sa pagninilay sa makapangyarihang synergy na ito, pinuri ni JLC CEO Jérôme Lambert ang pagkakatugma, at sinabing, “Ang kanyang authenticity, ang dedikasyon niya sa kanyang craft, at ang tahimik niyang kariktan ay malalim na umaalingawngaw sa mga pinahahalagahan ng aming Maison.”