The LEGO Group Ipinakilala ang Kauna-unahang ‘Shrek’ LEGO Sets
Sa pagdiriwang ng ika-25 anibersaryo ng iconic na DreamWorks Animation franchise, sa wakas ay magde-debut na sa LEGO bricks ang minamahal na ogre.
Buod
- Opisyal na nagsanib-puwersa ang The LEGO Group at Universal Products & Experiences para ilunsad ang kauna-unahangShrek na LEGO sets
- Bilang pagdiwang sa ika-25 anibersaryo ng minamahal na franchise, tampok sa launch ang dalawang hiwalay na produktong idinisenyo para sa parehong adult collectors at mas batang fans
- Ang flagship display set ay tampok ang brick-built na bersyon nina Shrek at Donkey, isang Puss in Boots minifigure, at isang detalyadong swamp base na punô ng cinematic Easter eggs
Humanda nang bumalik sa swamp. Bilang pagdiriwang ng ika-25 anibersaryo ng groundbreaking na pelikula ng DreamWorks Animation, opisyal nang inanunsyo ng The LEGO Group ang kauna-unahan nitongShrek sets. Sa pakikipag-partner sa Universal Products & Experiences, binubuhay ng iconic na toy company ang minamahal na ogre at ang mahiwagang mundo ng Far Far Away sa anyong LEGO bricks sa unang pagkakataon, bilang isang sobrang nostalgic, hands-on tribute sa isa sa pinakamahalagang franchise sa kasaysayan ng animation.
Bida sa release ang highly detailed na “LEGO Shrek: Shrek, Donkey & Puss in Boots” display set, na espesyal na idinisenyo para sa adult builders (18+). Ang 1,403-piece na model ay may fully posable, brick-built na bersyon nina Shrek at ng tapat niyang kasama na si Donkey, kasama ang isang exclusive na Puss in Boots minifigure. Nakasentro ito sa isang diorama-style na swamp base na kumpleto sa klasikong “Beware Ogre!” sign, at punô ng deep-cut cinematic references—mula sa isang onion, sunflowers, at blue flower with red thorns, hanggang sa mga nakatagong Easter eggs sa loob mismo ng tiyan ni Shrek.
Para naman sa mas batang fans at casual collectors, kasama rin sa launch ang isang bagong entry sa sikat na BrickHeadz line. Ang “LEGO BrickHeadz: Shrek, Donkey & Gingy” set ay may 259 pieces para bumuo ng stylised, square-headed na figures ng tatlong paboritong karakter. Inirerekomenda para sa edad 10 pataas, tampok sa set ang masasaya at agad makikilalang detalye—mula sa signature ears ni Shrek hanggang sa icing buttons ni Gingy.
Habang tumitindi ang anticipation para sa cinematic release ng Shrek 5 sa 2027, ang mga nostalgic na brick build na ito ang perpektong paraan para balikan ang legendary na pinagmulan ng franchise. Parehong available for pre-order simula ngayong Abril 23, 2026 ang 18+ display model at ang mga BrickHeadz figures, bago ang global launch sa Hunyo 1, 2026, sa pamamagitan ngonline at mga physical na LEGO retail store.
