Hasbro inilunsad ang Monopoly: The Super Mario Galaxy Movie Edition

Buod

• Opisyal nang inilunsad ng Hasbro ang Monopoly: The Super Mario Galaxy Movie Edition na diretsong inspirasyon ng bagong labas na animated film
• Tampok sa intergalactic na board game ang mga custom na lokasyon mula sa pelikula, mga natatanging mekanika tulad ng pakikipaglaban kay Bowser Jr., at anim na custom-sculpted na plastic token
• May presyong $24.99 USD, ang family-friendly na board game ay mabibili na ngayon sa mga global retailer, kabilang ang Amazon

Kasabay ng paglabas ng blockbuster na pelikula, ipinakilala ng Hasbro ang isang bago at exciting na paraan para maranasan ang pinakabagong big-screen adventure ni Mario. Opisyal nang inilunsad ng legendary na toy company ang Monopoly: The Super Mario Galaxy Movie Edition. Pinag-uugnay nito ang klasikong property-trading mechanics at ang makulay, gravity-defying na mundo ng The Super Mario Galaxy Movie, kaya nag-aalok ang bagong board game sa mga fan ng isang interactive na twist sa family game night.

Sa espesyal na edition ng Monopoly na ito, may pagkakataon ang mga manlalaro na tumalon papasok sa Gateway Galaxy at bilhin ang mga iconic na lokasyong pinupuntahan ng ating bigotilyong bida at ng kanyang tropa sa buong pelikula. Tampok sa board ang mga hindi malilimutang cinematic properties tulad ng Comet Observatory at Fossil Falls. Para sa isang kakaibang paraan ng paggalaw, pinalitan ang karaniwang Railroad spaces ng Launch Stars, na dynamic na nagpapalipad sa mga manlalaro sa iba’t ibang bahagi ng board.

Inangkop din ang gameplay mechanics para bumagay sa galaxy-hopping na kuwento. Kapag ang isang manlalaro ay tumigil o dumaan sa GO, makakakuha siya ng Luma chip na katumbas ng mahahalagang coin. Pero kailangan ding mag-ingat ang lahat sa pagala-galang Bowser Jr. token—kapag napunta siya sa puwesto ng isang manlalaro, obligado agad itong sumabak sa laban.

Para makapaglayag sa kalawakan, puwedeng pumili ang mga manlalaro mula sa anim na makukulay, custom-sculpted na plastic Monopoly token. Kabilang sa mga character-inspired na piraso ang sumbrero ni Mario, sumbrero ni Luigi, payong ni Princess Peach, headlamp ni Toad, isang Yoshi egg, at isang kaibig-ibig na Luma.

Monopoly: The Super Mario Galaxy Movie Edition ay opisyal nang mabibili sa mga global retailer, kabilang ang Amazon.