Virgil Abloh Archive™ at Jordan Brand Ipinapakilala ang Air Jordan 1 High OG x V.A.A.

Buod

• Opisyal na magpapakilala ang Virgil Abloh Archive at Jordan Brand ng bagong edisyon ng iconic na Air Jordan 1 silhouette
• Tampok sa collab na pares ang pirma niyáng “revealing” na design language ng yumaong designer, kasama ang exposed na dila ng sapatos at naka-print na teksto
• Pagkatapos ng eksklusibong launch window ngayong buwan, magkakaroon ng global release ang matagal nang inaabangang sneaker sa unang bahagi ng Abril

Opisyal nang inanunsyo ng Jordan Brand at ng Virgil Abloh Archive™ (V.A.A.) ang paglabas ng Air Jordan 1 High OG X V.A.A. Bilang unang global product mula sa koleksiyon ng yumaong designer na binubuo ng mahigit 20,000 piraso, itinutuloy ng matinding inaabangang drop na ito ang makasaysayang partnership na nagsimula sa pagitan ng Nike at Virgil Abloh noong 2017.

Nakasandig sa pangunahing design pillar ni Abloh na gawing kita ang dati’y nakatago, niyayakap ng bagong iteration ng Air Jordan 1 ang isang open construction. Tampok sa silhouette ang signature na exposed tongue ng creative at isang orange tab na kitang-kita sa Swoosh. Para i-highlight ang internal tooling ng modelo, direktang naka-print sa ibabaw ng classic air unit ng midsole ang matapang na itim na letrang ‘AIR’, bilang pagdiriwang sa unang pagkahumaling ni Abloh sa internal structure ng sapatos.

Bilang paggunita sa launch, magho-host ang Virgil Abloh Archive™ ng serye ng V.A.A.™ World’s Fair activations buong Marso sa mga lungsod na sentro sa buhay ni Abloh, kabilang ang Los Angeles, Chicago, New York, London, Paris, Hong Kong at Tokyo. Gaganapin ang unang event sa Architecture sa Los Angeles, kung saan eksklusibong magiging available ang footwear sa mga dadalo at lokal na residente sa pamamagitan ng online na EQL raffle. Bukod pa rito, bibigyan ng tig-isang pares ng collaborative sneakers ang unang 100 subscribers ng bagong inanunsyong Toolkit program ng Archive para sa mga emerging creatives.

Ang Air Jordan 1 High OG X V.A.A. ay magre-release sa Abril 3, 2026 via Nike at piling retailers.