Ibinunyag ni Nigel Sylvester ang Kanyang Air Jordan 4 “Brick After Brick”
Buod
- Kakareveal lang ni Nigel Sylvester sa Instagram ng bago niyang Air Jordan 4
- Pinamagatang “Brick After Brick,” itinutuloy ng pulang, off-white, at itim na pares na ito ang Bike Air legacy niya
- Abangan ang paglabas ng sapatos ngayong summer
Nasilo ni Nigel Sylvester ang puso ng mga sneakerhead noong 2025 sa isa pang sneaker of the year contender: ang Air Jordan 4 “Brick By Brick.” Pinalawig ng matagumpay na launch ang Bike Air journey niya sa pamamagitan ng konsepto ng pagbuo ng tagumpay, hakbang-hakbang (o brick-by-brick). Isa pang Air Jordan 4 colorway ang lumabas noong Enero ng nakaraang taon kasabay ng rollout ng “Brick By Brick,” ngunit napabalita noon na para itong disenyo sa 2026.
Walang iba kundi si Michael Jordan mismo ang nagbalik ng matagal nang inaabangang release na ito sa spotlight, nang lumabas siya na suot ang sapatos. Ngayon, naglabas na si Sylvester ng kumpletong rundown ng dapat asahan sa collab. Bilang ikalawang chapter ng “Brick” story niya kasama ang Jordan Brand, nakatutok ang pares na ito sa pagpapanatili ng tagumpay matapos mo itong maabot — isang bagay na malamang makakamit ng sapatos na ito dahil sa sobrang pulido at detalyadong execution nito.
Ang full-grain leather sa “Sail” na tinatawag ni Sylvester na “top-tier sh*t” ang nagdadala ng isa pang mini Swoosh sa toe box. Ang “Muslin,” “Sail,” at “Anthracite” ang kumakampi sa red-orange na “Brick” hue niya sa buong sapatos. Lahat silang apat ay makikita sa midsole tooling at outsole, at litaw din ang “Brick” sa mismong Air unit. Ang heel tab ay nasa off-white na “Muslin” na may teksturang inspired ng brick. Bike Air branding sa “Brick” ang nakalagay dito, na tumutugma sa embroidered hangtag. May bike logo rin sa inner side ng heel tab, habang sa loob ng dila ay makikita muli ang “Jordan Biking Co.” branding.
Tuloy ang storytelling sa packaging, kung saan muli nilang hindi tinipid ang kahit anong detalye. Isang all-white, brick-themed box na may teksturang parang clay brick ang gamit, na may Bike Air branding na naka-deboss sa ibabaw. Sa loob ng kahon, naka-pack ang Air Jordan 4 na para bang tradisyonal na clay bricks.
Habang tinutukoy pa ito ni Sylvester bilang “coming soon,” usap-usapan na summer ang target na release nito via Nike SNKRS sa tinatayang presyo na $225 USD. Silipin ang kumpletong preview sa naka-embed na social post sa ibaba at manatiling nakaabang para sa iba pang updates.
Tingnan ang post na ito sa Instagram
