Pumasok ang gamma. sa Mundo ng Fashion
Habang ang gamma. ni Larry Jackson ay naghahanda para sa isa sa pinakainaabangang album drops nito – at patuloy na nagsasanib ang mundo ng musika at fashion sa paraang hindi pa nararanasan noon – nakatutok na ang music media imprint sa isa na namang malaking creative project. Sa nalalapit na paglabas ng album ni Ye na“Bully”sa loob ng halos 48 oras, nais muling palawakin ni Jackson ang artistic universe ng gamma. sa pamamagitan ng pagpapakilala sa “gamma. Maison”—ang kauna-unahan nitong pagsabak sa mundo ng fashion.
Ang unang drop ng Maison gamma. ay inilulunsad sa pakikipagtambal sa kapwa cultural trailblazer na Black-owned, Brooklyn-based na atelier na Savant Studios.
“Ang gamma. ay higit pa sa isang music company lang,” ibinahagi ni Jackson nang eksklusibo sa Hypebeast. “Gumagawa kami ng isang ecosystem kung saan magkakaugnay ang musika, media at design. Iyon na ang vision mula pa noong unang araw.”
Gamma.
Ang pakikipag-team up sa Savant Studios ay isang lubhang sinadyang pagpili para kay Jackson, na mas pinaboran ang pakikipagtulungan sa isang Black-owned na negosyong itinayo mula sa sariling kayod.
“Ang collaboration namin kasama ang Savant Studios ay hindi lang kumakatawan sa pagtatagpo ng culture at lifestyle na siyang puso ng gamma.,” pagpapatuloy ni Jackson. “Ito rin ang opisyal na pagpapakilala sa gamma. Maison, ang bago naming fashion at merch vertical. Isa itong creative exchange na mas lalong isinasabuhay ang fashion sa umuusbong na brand DNA namin.”
Gamma.
Pinamumunuan ng New York City designer na si Michael Graham, dinadala ng Savant Studios ang pirma nitong storytelling ethos sa merch drop, na sumasaklaw sa malawak na hanay ng branded graphics, outerwear at accessories. Ang hero piece ng collab ay hayagang ipinaparada ang mga tagumpay ng gamma. sa mismong manggas nito—literal. Tinawag na “Polaroid Jacket,” ang silhouette ay tinatakan ng mga imahe ng iconic na mga gamma. artists, kabilang sina Mariah Carey, Snoop Dogg, Rick Ross, Usher at Sexyy Red.
Silipin ang buong gamma. x Savant Studios drop sa itaas, at i-add to cart na ang paborito mong piraso sa opisyal na webstore ng gamma.
