Inilunsad ng Apple ang Bagong AirPods Max 2

Ipinagpapatuloy ng Apple ang mainit nitong mid-March streak ng mga paandar, sa pamamagitan ng isa na namang malaking produktong inobasyon. Sa pagkakataong ito, target ng tech giant na i-level up ang isa sa pinaka-bigatin nitong audio device, habang inaangat sa bagong anyo ang signature over-the-ear na AirPods Max — ipinapakilala ang AirPods Max 2.

Ang pangunahing selling point ng bagong device ay ang pinahusay nitong Active Noise Cancellation (ANC), na hanggang 1.5x na mas epektibo kumpara sa nakaraang henerasyon ng AirPods Max.

Bukod pa rito, pinalalakas ng H2 ang headphones, kaya posible na ngayon ang mga bagong intelligent features tulad ng Adaptive Audio, Conversation Awareness, Voice Isolation, at Live Translation — unang beses na mapupunta ang mga ito sa AirPods Max.

May bago ring digital signal processing algorithm na naka-optimize para sa H2 at sa microphone array ng AirPods Max, para matiyak ang natural ang tunog ng Transparency setting.

Ang spatial audio ay mas pinino pa, at ipinares sa 24-bit, 48 kHz na lossless audio kapag nakakabit gamit ang kasamang USB-C cable, para masiguro ang all-out immersive listening sa kahit anong oras. Pinagsasama ng lossless audio at ultra-low latency audio ang lakas ng dalawa para gawing mas magaan at seamless ang workflow ng music creators sa Logic Pro at iba pang music creation apps.

Kasama sa mga colorway ang midnight, starlight, orange, purple, at blue.

Apple

“Dahil sa kahanga-hangang performance ng H2, na-upgrade ang AirPods Max ng hanggang 1.5x na mas epektibong ANC para sa ultimate na all-day listening experience,” ani Eric Treski, Apple’s director of Audio Product Marketing, tungkol sa bagong model. “Ang sound quality ay kapansin-pansing malinis, rich, at punô ng acoustic detail — at kapag pinagsama sa mga kakayahan tulad ng Personalized Spatial Audio, naghahatid ang AirPods Max 2 ng tunay na napakalalim at lubos na immersive na experience.”

Ang AirPods Max 2 ay maaaring umorder sa pamamagitan ng Apple official retailers simula Marso 25.