Inaanyayahan ni Luka Dončić ang Fans sa Bago Niyang Mundo, 77X
Ang direct-to-fan platform ng Slovenian superstar ang kauna-unahang ganitong uri mula sa isang atleta.
Buod
- Inilunsad ni Luka Dončić ang 77X, isang nangungunang, kakaibang direct-to-fan platform na mismong isang athlete ang lumikha
- Dinisenyo ang creator-led na program para pagsamahin ang fandom at interactivity, na nag-aalok ng content, merch, collectibles, at events sa iisang lugar
- Abangan ang isang immersive na 77X experience na parating sa Los Angeles para sa NBA All-Star Weekend sa susunod na buwan
Naipuwesto na ni Luka Dončić ang sarili niya bilang isa sa pinakakilalang atleta ngayon. Ang lider ng Los Angeles Lakers ay isa sa pinaka-mabangis na scorers sa NBA. Ngayon, dinadala niya ang momentum na iyon lampas sa court. Inilunsad ng Slovenian superstar ang 77X, isang nangungunang, kakaibang direct-to-fan platform na mismong isang athlete ang lumikha.
Katatapos lang ilabas ni Dončić ang pinakabagong signature shoe niya kasama ang Jordan Brand, ang Jordan Luka 5, at patuloy siyang namamayagpag sa listahan ng NBA top-selling jerseys, pero handa na siyang i-level up ang koneksiyon niya sa mga fans. Dinisenyo ang 77X para pagsamahin ang fandom at interactivity, na nag-aalok ng content, merch, collectibles, at events sa isang streamlined na platform. Bagama’t kaunti pa lang ang ibinabahagi tungkol dito, sinasabing magdadala sina Dončić at ang kanyang team ng isang immersive na 77X experience sa Los Angeles para sa NBA All-Star Weekend sa susunod na buwan. Sa ngayon, bukas na ang registration para sa Fan Pass sa pamamagitan ng 77X website para sa mga gustong mas mag-explore pa.
Abangan ang susunod na mga update tungkol sa bagong 77X platform ni Luka Dončić habang patuloy naming sinusubaybayan ang magiging development nito sa mga darating na linggo.
Tingnan ang post na ito sa Instagram
