Anker naglunsad ng malawak na accessories, smart home at audio lineup sa CES 2026

Anker – na pinakakilala para sa industry-leading nitong mga charger at mga product collaboration kasama ang Pokemon, One Piece, Marvel at Nintendo, bukod pa sa iba – ay naglunsad ng malawak na lineup ng accessories, smart home devices, at entertainment hardware sa ilalim ng pangunahing brand nito at ng dalawang sub-brand sa CES 2026.

Nangunguna sa mga inanunsyo nito ang update sa “Nano” family ng smart chargers, kabilang ang bagong 45-watt na “Anker Nano Charger” na may integrated smart display na real-time na ipinapakita ang power delivery. Ang compact na USB-C charger na ito ay may 180-degree foldable prongs para mas praktikal para sa biyahe, at built-in na TÜV-certified temperature management technology na mino-monitor ang temperatura ng mga nakakabit mong device para mas maprotektahan ang kalusugan ng baterya. Kasabay nito, ilulunsad din ng Anker ang “Prime Wireless Charging Station” na may 3-in-1 super-fast Qi2 wireless charging para sa phones, watches at earbuds, pati na ang “Nano Power Strip” na pinagsasama ang maraming outlet at USB port sa isang desktop-friendly na form factor.

Mas pinaiigting din ng brand ang focus nito sa productivity at connectivity sa pamamagitan ng pinakabagong “Nano Docking Station” – na may removable hub at suporta para sa hanggang tatlong display sa 4K resolution, kasama ang 100-watt charging at high-speed data transfer.

Ang audio-focused sub-brand ng Anker, ang Soundcore, ay naghatid ng kombinasyon ng personal audio at entertainment hardware, kabilang ang pagpapakilala sa “AeroFit 2 Pro” dual-form earbuds na sumusuporta sa open-ear listening at active noise cancellation, pati na ang “Sleep A30 Special” earbuds na may multi-mode noise reduction na dinisenyo para mas mapaigi ang tulog. Nagpakilala rin ito ng bagong portable Bluetooth speaker, ang “Boom Go 3i,” at dalawang bagong projector para sa mga home cinema fan: ang “Nebula P1i” at ang flagship na “Nebula X1 Pro” na may Dolby Atmos-certified sound at AI spatial adaptation.

Ibinahagi rin ng brand na ilan sa mga produkto nito ay kinilalang mga CES 2026Innovation Awards honoree, kabilang ang “Prime Charger,” “SOLIX C1000 Gen 2” power system, ang “eufy Robot Vacuum Omni S2” at ang “AeroFit 2 Pro” earbuds.

Maglalabas ang Anker ng mga bagong produkto sa pamamagitan ng opisyal nitong website at piling retailers simula Enero at tuluy-tuloy sa buong 2026.