“Breach” ng Twenty One Pilots, No. 1 agad sa Billboard 200

Buod

• ang bagong album ng Twenty One Pilots, Breach, agad na pumasok sa No. 1 spot ng Billboard 200
• Nakalikom ang album ng 200,000 equivalent units sa unang linggo, kung saan 169,000 ay actual na benta
• ang album ni Ed Sheeran Play ay pumasok sa No. 5, habang ang KPop Demon Hunters soundtrack ay nasa No. 2

Umeksena sa No. 1 spot ng Billboard 200 ngayong linggo ang Twenty One Pilots sa pamamagitan ng Breach.

Nagbukas ang album na may 200,000 equivalent album units sa unang linggo. Sa bilang na iyon, 169,000 ay aktuwal na benta, 31,000 ang streaming equivalent units (katumbas ng 40.68 milyong on-demand streams), at ang natitira’y track equivalent units.

Nasa top 10 din ngayong linggo ang album ni Ed Sheeran na Play na nasa No. 5, na may 71,000 equivalent album units—51,000 mula sa benta, 19,000 sa streaming equivalent units (katumbas ng 24.26 milyong streams) at 1,000 sa track equivalent units.

Sa ibang bahagi ng top 10 ngayong linggo, ang KPop Demon Hunters soundtrack ay bumaba sa No. 2, sinundan ni Morgan Wallen sa No. 3 at Sabrina Carpenter sa No. 4. Kumukumpleto sa listahan sina Justin Bieber sa No. 6, Alex Warren sa No. 7, SZA sa No. 8, Wallen muli sa No. 9 at Sombr sa No. 10.