Inanunsyo ng Radiohead ang Unang Mga Petsa ng Tour Pagkalipas ng Pitong Taon

Buod

• Inanunsyo ng Radiohead ang isang limitadong European tour—ang una nila makalipas ang pitong taon.
• Kasama sa tour ang mga hintong Madrid, Bologna, London, Copenhagen, at Berlin mula Nobyembre hanggang kalagitnaan ng Disyembre.
• Magbubukas ang pagpaparehistro para sa ticket mula Setyembre 5–7, at magsisimula ang bentahan sa Setyembre 12.

Sa unang pagkakataon sa loob ng pitong taon, muling magsasagawa ng tour ang Radiohead.

Inanunsyo ng banda ang ilang piling petsa ng tour para sa huling bahagi ng taglagas, magsisimula sa Nobyembre sa tatlong sunud-sunod na show sa Madrid. Susundan ito ng apat na konsiyerto bawat lungsod sa Bologna, London, Copenhagen, at Berlin hanggang kalagitnaan ng Disyembre.

Wala nang ibang petsa ang inanunsyo.

“Noong nakaraang taon, nagkita-kita kami para mag-ensayo—trip lang talaga. Matapos ang pitong taong pahinga, ang saya muling tugtugin ang mga kanta at muling kumonekta sa isang musikal na pagkakakilanlan na nakabaon na sa aming lima,” sabi ni Philip Selway ng Radiohead. “Dahil doon, naisip naming tumugtog ulit nang live kaya sana makapunta kayo sa isa sa mga nakatakdang petsa. Sa ngayon, ito muna—pero sino ba ang nakakaalam kung saan ito hahantong.”

Silipin ang kumpletong listahan ng mga petsa ng tour sa ibaba. Eksklusibong mabibili ang mga tiket sa opisyal na website ng Radiohead, kung saan bukas ang rehistrasyon mula Setyembre 5 hanggang 7. Magsisimula naman ang bentahan sa Setyembre 12, at ang mga hindi makakakuha ng ticket code ay ilalagay sa waitlist para sa susunod na batch.

Mga Petsa ng Radiohead 2025 Tour:
11/04 – Madrid, Spain @ Movistar Arena
11/05 – Madrid, Spain @ Movistar Arena
11/07 – Madrid, Spain @ Movistar Arena
11/08 – Madrid, Spain @ Movistar Arena
11/14 – Bologna, Italy @ Unipol Arena
11/15 – Bologna, Italy @ Unipol Arena
11/17 – Bologna, Italy @ Unipol Arena
11/18 – Bologna, Italy @ Unipol Arena
11/21 – London, UK @ The O2
11/22 – London, UK @ The O2
11/24 – London, UK @ The O2
11/25 – London, UK @ The O2
12/01 – Copenhagen, Denmark @ Royal Arena
12/02 – Copenhagen, Denmark @ Royal Arena
12/04 – Copenhagen, Denmark @ Royal Arena
12/05 – Copenhagen, Denmark @ Royal Arena
12/08 – Berlin, Germany @ Uber Arena
12/09 – Berlin, Germany @ Uber Arena
12/11 – Berlin, Germany @ Uber Arena
12/12 – Berlin, Germany @ Uber Arena