Ipinakilala ng Jordan Brand ang Tatum 4

Buod

• Opisyal nang inilahad ng Jordan Brand ang pinakabagong disenyo sa signature line ni Jayson Tatum—ang Jordan Tatum 4.
• Inaasahang ito ang magiging pinakamagaan sa buong Jordan Basketball line.
• Ilalabas ang unang colorway na pinangalanang “St. Louis” sa Oktubre 10.

Binubuksan ng Jordan Brand ang panibagong kabanata ng kanilang signature line—isinilang para sa presisyon at layunin. Narito na ang Jordan Tatum 4, ang pinakabagong signature shoe ni Jayson Tatum, at opisyal nitong kinumpirma ang titulo bilang pinakamagaan sa Jordan Basketball lineup. Patunay ang disenyo nito sa patuloy na pag-e-evolve ng laro ni Tatum, nilikha upang maghatid ng full-court energy at performance para sa isang manlalarong palaging nilalampasan ang sarili.

Idinisenyo ang Tatum 4 para sa hinaharap at para sa walang kapantay na dominasyon, gamit ang serye ng mga makabagong tampok. Naka-hug ang disenyo sa paa para sa mabilis at pabulusok na galaw, habang binabalot ng S-Seam Strobel ang buong talampakan para sa seamless na liksi at kontrol. Nagbibigay ang forefoot Zoom Air unit ng eksplosibong energy return, at sinusuportahan ng stability shank ang mabilisang transisyon at tibay hanggang crunch time. May multi-traction outsole din ito para sa mas matinding kapit at pinaghalong materyales na nagpapababa ng init upang manatiling presko—lahat nang walang dagdag na bigat. Sa kanyang pahayag tungkol sa bagong sapatos, sinabi ni Tatum, “Ang kadakilaan ay hindi lang nasusukat sa panalo, kundi sa kung paano mo hinaharap ang kabiguan at patuloy na sumusulong. Hindi naging madali ang pagbabalik sa rurok ng laro ko, pero bawat pagsubok ay may naituro at nagpatibay sa akin. Hindi na ako ang dating manlalaro, at ipinagmamalaki ko ’yon. Ang Tatum4 ay bahagi ng paglalakbay na ’yon—ginawa ito para sa grind at paalala sa akin kung ano ang itsura ng disiplina at tibay kapag may hinahabol kang mas malaki kaysa sa sarili mo.”

Ginugunita ng unang colorway ang bayan ni Jayson sa edisyong “St. Louis,” tampok ang mga kulay ng kaniyang koponan at ang pirma niyang detalye—ang numerong “0” sa likuran na hugis ng pendant ng kaniyang diamond chain. Makukuha ang sapatos na gawa sa premium suede at dynamic mesh sa full-family sizing simula Oktubre 10 online at sa piling tindahan.