Muling Bubuksan ang Naipreserbang Marfa Architecture Office ni Donald Judd sa Setyembre 2025

Buod

• Muling bubuksan ng Judd Foundation ang Donald Judd Architecture Office sa Marfa, Texas, sa Setyembre 2025, matapos ang masusing restorasyon.
• Ang inayos na espasyo, na dating napinsala ng sunog, ay maglalaman ng isang bagong working exhibition at living space na tampok ang mga obra nina John Chamberlain at Alvar Aalto.

Matapos ang masusing restorasyong sinimulan noong 2018, nakatakdang muling buksan ng Judd Foundation sa publiko ang Donald Judd Architecture Office sa Marfa, Texas, sa Setyembre 2025.Ang proyektong ito ay isang mahalagang hakbang sa pangmatagalang plano ng Judd Foundation na pangalagaan ang mga gusali ni Judd sa Texas at mapanatili ang kaniyang permanenteng tirahan at mga opisina.

Ang Architecture Office—isa sa labing-isang gusaling kaugnay ni Judd sa Marfa na nakalista sa National Register of Historic Places—ay magsisilbing venue para sa mga programa ng Foundation at pansamantalang tirahan ng mga bumibisitang mananaliksik at kawani.Ang ilang taong restorasyon ay naputol nang masunog ang gusali noong Hunyo 2021; gayunpaman, simula noon ay nakausad na ang Foundation patungo sahuling yugto, kabilang ang reinstalasyon ng koleksiyon ng gusali pagsapit ng kalagitnaan ng 2025.

Dumating si Judd sa Marfa noong dekada ’70 bago simulan ang mahigit tatlong dekadang pagbili at pagsasaayos ng mga industriyal at komersiyal na gusali upang paglagyan ng kaniyang mga obra at gawing studio. Noong 1973, nagsimula siyang bumili ng mga ari-arian sa downtown Marfa, nagbunga ito ng tinaguriang “The Block.” Sinasaklaw ng buong city block ang malalaking hangar ng U.S. Army na pinaglagyan ni Judd ng mga likhang-sining. Ipinagpatuloy niya ang mga inisyatibang ito hanggang unang bahagi ng ’90s, nang mabili niya ang Architecture Office.

Nilalayon ng pinakabagong hakbangin na isabuhay ang pangunahing paniniwala ni Judd na ang pagpreserba sa sining at arkitektura ay pagpreserba rin ng kasaysayan. Bukod sa masinsinang pagsasaayos ng fasada at interior ng gusali, gumamit din ang proyekto ng sustenableng materyales at mga energy-efficient na sistema, kabilang angmga solar panel, may insulation na mga bintana, at passive cooling system.

Dagdag pa rito, magkakaroon ang mga darating na bisita ng akses sa isang bagong working exhibition na tampok ang mga modelong pang-arkitektura, plano, at muwebles ni Judd, pati na rin ang isang living space sa ikalawang palapag.Maglalaman din ito ng permanenteng instalasyon ng anim na obra ni John Chamberlain at mga muwebles mula sa legendary designer na si Alvar Aalto.

Nakatakdang magbukas sa publiko sa Sabado, 20 Setyembre 2025. Bisitahin ang opisyal na website ng Judd Foundation para sa karagdagang detalye tungkol sa event at mga susunod pang programa.