Naglabas ang Kojima Productions ng Teaser para sa Anime Film na ‘Death Stranding’

Buod

• Naglabas ang Kojima Productions ng teaser para sa Death Stranding Mosquito, isang paparating na pelikulang anime
• Pinananatili ng pelikula ang nakakapangilabot na biswal ng laro at tampok dito ang labanan sa pagitan ng isang porter at isang karakter na nakasuot ng maskarang yari sa tar
• Idinirehe ang anime ni Hiroshi Miyamoto, habang si Aaron Guzikowski naman ang sumulat ng screenplay

Sa kanilang ika-10 anibersaryo, inilunsad ng Kojima Productions ang isang teaser trailer para sa dati nang inanunsiyong Death Stranding na pelikulang anime, na pansamantala munang pinamagatang Death Stranding Mosquito.

Bagaman kakaunti pa rin ang detalye tungkol sa pelikula, ipinakikita ng trailer ng Death Stranding Mosquito ang pirma nitong nakakatindig-balahibo at madilim na estetika mula sa laro. Sa clip, makikita ang isang marahas na labanan ng martial arts sa pagitan ng dalawang hindi pa nakikilalang karakter. Sa itsura nila, ang isa ay kahawig ng isang porter—katulad ni Sam Porter Bridges sa laro—habang ang kabila ay may nakakikilabot na maskarang parang lamok na yari sa tar, ang parehong supernatural na sangkap na paulit-ulit na lumilitaw sa laro.

Bukod sa trailer, ibinahagi na rin ang mga detalye tungkol sa team sa likod ng Death Stranding Mosquito. Idinidirehe ito ni Hiroshi Miyamoto at si Aaron Guzikowski naman ang nasa likod ng iskrip, habang ABC Animation Studio ang nangunguna sa produksyon.Sa ngayon, wala pang opisyal na petsa ng pagpapalabas ang Death Stranding Mosquito ay hindi pa nakukumpirma.