adidas, Opisyal na Apparel Partner ng Audi Formula 1 Team

Buod

• Tinalaga ng papasok na Formula 1 team ng Audi ang adidas bilang opisyal na apparel partner nito.
• Magdidisenyo ang dalawang brand ng mga kasuotang pang-motorsport na pinagsasama ang estilo at performance, habang isinasalin ang kani-kanilang brand ethos.
• Kumpirmadong ilalabas ang unang koleksiyon ng multi-year na partnership bago magsimula ang 2026 season.

Habang umiinit na ang makina ng Audi para sa pagpasok nito sa Formula 1, isinakay nito ang adidas bilang opisyal na partner ng team.

Nakatuon ang pangmatagalang kolaborasyong ito sa apparel, kung saan ang adidas ang mangunguna sa pagbihis ng future team. Ilalabas ang linya bago ang 2026 season at nakaangkla sa “clarity and precision,” na sumasalamin sa bagong design philosophy ng Audi.

“Dekada nang magkasangga ang adidas at Audi sa top-level sports—nakaugat sa magkakaparehong halaga at sa hangaring mag-inspire sa pamamagitan ng performance,” ani Gernot Döllner, CEO ng AUDI AG. “Higit pa sa paghahangad ng inobasyon at sukdulang performance ang pagpasok namin sa Formula 1: pinagsasama nito ang lakas at bisyon ng dalawang progresibong brand. Ang katotohanang hinuhubog namin ang debut ng aming brand sa premier class ng motorsport kasama ang adidas ay patunay ng lubos naming tiwala at pagpapahalaga sa kolaborasyong ito.”

Sinang-ayunan ito ni Bjørn Gulden, CEO ng adidas: “Ang pagtatagpo ng iconic na four rings at ng aming three stripes sa paddock ng 2026 ay nagbubukas ng isang kapana-panabik na bagong kabanata sa motorsport. Bilang bahagi ng patuloy naming commitment sa F1, ipinapakita ng partnership na ito ang pokus namin sa pakikipagtulungan sa mga brand na may parehong paniniwala at makabagong pananaw—sa loob at labas ng track.”

Dagdag ni Jonathan Wheatley, Team Principal ng magiging Audi F1 Team, na iisang mithiin sa kahusayan ang nagdikit sa kanila. “Sa adidas, binibigyan namin ang aming mga tao ng de-kalibre at teknikal na gear na nagpapataas ng performance kung saan ito pinakamahalaga,” aniya. “Higit sa karera, hangad din naming gumawa ng ingay sa labas ng track sa pamamagitan ng inobasyon, estilo, at walang humpay na paghabol sa kahusayan. Magkasama kaming lilikha ng matitinding brand activation at mga groundbreaking na karanasan.”

Abangan ang susunod na mga detalye tungkol sa partnership habang ito’y umuusad.