Opisyal nang Ipinakilala ng adidas Basketball ang adidas Anthony Edwards 2
Pangalan: adidas Anthony Edwards 2 “With Love”
Colorway: Acid Orange/Core Black/Acid Red
SKU: JS3514
SRP: $130 USD
Petsa ng Paglabas: Oktubre 4
Saan Mabibili: adidas
Pinataas nina Anthony Edwards at adidas Basketball ang pamantayan sa kanilang unang signature sneaker. Certified hit ang adidas AE1—mid man o low-top. Pero tulad ng lahat ng magagandang bagay, may wakas din; at ngayong tapos na ang huling kabanata ng AE1, handa na ang duo para sa kanilang sequel: ang adidas Anthony Edwards 2.
Matapos i-tease noong Marso at mabigyan ng ilang unang pasilip, sinundan ito ng “Believe That” tour ni Edwards sa China kung saan nakapanayam siya ng Hypebeast. Ngayon, opisyal na niyang inilunsad ang kanyang ikalawang signature sneaker kasama ang Three Stripes. Hango sa modernong DNA ng nauna, pinagsasama ng Anthony Edwards 2 ang articulated fangs para sa mas matinding lockdown at isang propulsion plate para sa torsional support. LIGHTBOOST at Lightstrike naman ang bahala sa cushioning, habang sinisimulan ng “With Love” colorway—na binabalutan ng orange, black at red—ang kuwento ng bagong siluetang ito.
Para sa mga nakaabang, ilalabas ang adidas Anthony Edwards 2 “With Love” sa Oktubre 4 sa adidas at piling retailers, sa panimulang presyo na $130 USD. Inaasahan pang susunod ang sangkatutak na colorway sa buong 2025-26 NBA season, kaya manatiling nakatutok para sa karagdagang update.
Silipin ang post na ito sa Instagram
