Bagong Ford Mustang GTD Liquid Carbon: Lantad na Carbon, Pangkarerang Presisyon

Buod

• Nag-debut ang bagong Mustang GTD Liquid Carbon sa Laguna Seca, ipinamalas ang buong lantad na carbon-fiber body nito.
• Walang pintura, 13 libra ang nabawas, tampok ang nakahanay na carbon weave at itim na Brembo calipers
• Ang interior ay binalutan ng itim na leather at suede na may Hyper Lime na tahi; magsisimula ang deliveries sa Oktubre.

Ibinunyag na ng Ford ang Mustang GTD Liquid Carbon, isang kapansin-pansing bagong trim na walang pintura para ipakita ang race-bred na carbon-fiber sa ilalim. Sa unang paglabas nito sa Laguna Seca Raceway, ipinakita ng Liquid Carbon finish kung paanong binabago ng mga makabagong materyales ang performance at porma ng pinaka-matinding Mustang ng Ford.

Hango sa Mustang GT3 race car, ang nakalitaw na bodywork ng Liquid Carbon ay hindi lang pang-porma. Sa pagtanggal ng pintura at pagpapalit ng pinto ng bonded carbon-fiber, nabawasan ito ng humigit-kumulang 13 libra kumpara sa GTD Carbon Series na may Performance package. “Ang Mustang GTD Liquid Carbon ang sukdulang ekspresyon ng high-tech, high-performance na pagkakabuo ng Mustang GTD,” ayon kay Chief Program Engineer Greg Goodall.

Sa labas, bakas ang husay ng craftsmanship: nakahanay ang carbon weave mula hood, bubong, deck hanggang rear wing para sa tuloy-tuloy na midline. Itim na Brembo calipers at gloss-black na GTD script ang nagbibigay ng mas mabangis na aura, habang ang standard Performance package ay nagdaragdag ng kakayahang pang-track. Sa loob, kapansin-pansin ang itim na leather at Dinamica suede na may Hyper Lime stitching, sinamahan ng reflective gradient detail sa mga upuan para sa isang matapang ngunit makinis na finish.

“Para sa amin, ang mataas na performance ay nangangailangan ng sukdulang presisyon,” ani Mustang GTD Design Manager Anthony Colard. Magsisimula ang deliveries ng Mustang GTD Liquid Carbon sa Oktubre, kasama ng Spirit of America, Carbon Series at standard GTD models para bigyan ang mga customer ng iba-ibang antas ng lantad na carbon-fiber.