‘Eternal Flame’ ni Ana Benaroya, pinaliyab sa Flag Art Foundation ng NYC
Buod
- Kilala si Benaroya sa kaniyang surrealistang pagbibigay ng bagong anyo sa katawang pambabae sa iba’t ibang medium
- Magbubukas ang eksibisyon sa Setyembre 17 sa Flag Art Foundation sa NYC
Hatid ni Ana Benaroya ang isang masiglang koleksiyon ng mga pigura bilang bahagi ng nalalapit niyang solo exhibition na pinamagatang Eternal Flame sa Flag Art Foundation ng New York City. Kilala si Benaroya sa kaniyang surrealistang pagbibigay ng bagong anyo sa katawang pambabae sa iba’t ibang medium—mula sa pagpipinta at mga gawa sa papel hanggang sa monotype.
Ang bagong serye ng mga painting ay nagpapakita ng grupo ng mga batak na kababaihan sa harap ng makukulay na backdrop, habang kinakalikot ng artista ang mga di-tradisyonal na ideya ng pagkababae sa kasaysayan ng sining at kontemporaryong kultura. Tampok dito ang obrang pinamagatang “Heat Wave,” kung saan nakatayo ang dalawang dambuhalang babae na kumikislap ang mga mata sa gitna ng nag-aalab na paleta. Sa “The Blonde Waterfall,” makikita naman ang isang close-up, halos realistiko, na retrato ng babaeng may ginintuang buhok na may hawak na rosas na kasing-kulay ng kaniyang buhok. Dahil sa lapit ng komposisyon, sumisiklab ang pakiramdam ng pag-intimidad at iniiwan ang mga manonood na magtanong kung sino nga ba ang misteryosang pigura.
“Ang patuloy na pagsusuri ni Benaroya sa kung paano inilalarawan ang katawan ng kababaihan—bilang porma at ideya—ang natatanging pokus ng kaniyang praktika. Bukod sa masusing pagsipat sa mahabang kasaysayan ng representasyon ng kababaihan, hinahangad din niyang tuklasin kung maaari bang makita ang kanilang katawan nang hindi ito agad sini-sexualize,” paliwanag ng gallery.
Magbubukas ang eksibisyon ngayong Setyembre 17. Bisitahin ang website ng Flag Art Foundation para sa karagdagang impormasyon.
The FLAG Art Foundation
545 West 25th Street
9th Floor
New York, NY 10001
