Analogue Naglabas ng 8 Bagong Kulay para sa N64-inspired na ‘Analogue 3D’ Console

Inihayag ng Analogue ang walong bagong bersyon ng Nintendo 64-inspired nitong console, ang Analogue 3D, kasunod ng paglabas nito noong nakaraang buwan. Kumpirmado rin ng brand na magre-restock sila ng orihinal na puti at itim na duo, na parehong sold out na mula nang ilunsad.

Tampok sa bagong “Funtastic” pack ang lahat ng orihinal na colorway na inilabas ng Nintendo para sa N64 noong late 1990s—na inilarawan ng Analogue bilang “identical to the originals” at sinabing inabot sila ng higit isang taon sa pag-perpekto ng color matching. Kabilang dito ang mga shade ng orange (“Fire”), red (“Watermelon”), purple (“Grape”), turquoise (“Ice”), green (“Jungle”) at gold (na tinatawag ding “Gold”). Maglalabas din ang brand ng dalawang transparent na bersyon: isang mas maliwanag at isang mas madilim na option na tinatawag na “Clear” at “Smoke,” ayon sa pagkakasunod.

Maglalabas din ang Analogue ng walong bagong color-matched na controller na kapareha ng makukulay na bagong console; ginawa raw ang mga ito kasama ang 8BitDo para masiguro ang perpektong pagtutugma ng kulay.

Ilulunsad ang Analogue 3D “Funtastic” pack bukas, December 10, sa ganap na 8 a.m. PST sa pamamagitan ng website, kung saan ang mga order ay ipapadala “bago mag-Pasko.” Sabay ring ilulunsad bukas ang orihinal na black at white editions, ngunit ide-deliver ang mga ito pagsapit ng January 2026.