Spotify, dadalhin na sa Netflix ang mga video podcast nito

Buod

• Lumagda ang Spotify at Netflix sa isang kasunduan para dalhin ang piling mga video podcast mula sa Spotify Studios at The Ringer sa Netflix
• Magsisimulang i-stream ang mga show sa U.S. pagsapit ng unang bahagi ng 2026, na may planong palawakin ito sa buong mundo
• Kasama sa content ang mga patok na podcast sa sports, kultura, at true crime tulad ng The Bill Simmons Podcast at The Rewatchables

Opisyal nang lumagda ang Spotify at Netflix sa isang kasunduan sa video podcast, na magdadala ng piling mga video podcast mula sa Spotify Studios at The Ringer—saklaw ang sports, kultura, lifestyle, at true crime—sa Netflix.

Pagsapit ng unang bahagi ng 2026, mai-stream na ng mga manonood sa U.S. ang mga video podcast na ito sa Netflix, na may layong palawakin pa ito sa mas maraming pandaigdigang merkado kalaunan. Hindi lang ito umaakma sa kasalukuyang programming ng Netflix—nagbubukas din ito ng mga bagong audience at mas malawak na distribusyon para sa mga tampok na show, binibigyan ang mga tagahanga ng mas maraming paraan para kumonekta sa mga tinig na minamahal nila.

Ipinapakita ng inisyatibang ito ang ebolusyon ng podcasting—mula sa isang audio-first na medium tungo sa masiglang, multi-format na landscape. Para sa mga creator, nangangahulugan ito ng mga bagong oportunidad para sa pagtuklas at isang ganap na bagong daluyan ng distribusyon.

Kabilang sa mga unang video podcast na ilulunsad ang mga sports show tulad ng The Bill Simmons Podcast at The Mismatch, pati content sa kultura at lifestyle tulad ng The Rewatchables at The Dave Chang Show at mga paborito sa true crime tulad ng Conspiracy Theories at Serial Killers.

“Sa Netflix, palagi kaming naghahanap ng mga bagong paraan para libangin ang aming mga miyembro—saanman at paano man nila gustong manood,” sabi ni Lauren Smith, VP ng Content Licensing and Programming Strategy sa Netflix. “Habang patuloy na sumisikat ang mga video podcast, binibigyang-daan kami ng pakikipagtulungan namin sa Spotify na ihatid ang mga kumpletong video na bersyon ng mga nangungunang show na ito sa mga manonood ng Netflix at Spotify. Mula sa pop culture at lifestyle hanggang true crime at sports, ang maingat na piniling seleksyong ito ng mga video podcast ay nagdadala ng mga sariwang tinig at panibagong perspektiba sa Netflix, ginagawang mas kapanapanabik kaysa dati ang aming entertainment lineup.”

“Minamarkahan ng pakikipagtulungang ito ang isang bagong kabanata para sa podcasting,” dagdag ni Roman Wasenmüller, VP at Head of Podcasts ng Spotify. “Kasama ang Netflix, pinalalawak namin ang paraan ng pagtuklas, tinutulungan ang mga creator na maabot ang mga bagong audience, at binibigyan ang mga tagahanga sa buong mundo ng pagkakataong maranasan ang mga kuwentong mahal nila at makatuklas ng mga paboritong hindi nila inaasahan. Nag-aalok ito ng mas maraming pagpipilian para sa mga creator at nagbubukas ng isang ganap na bagong oportunidad sa distribusyon.”

Tingnan sa ibaba ang listahan ng mga video podcast na ilulunsad sa Netflix.

Sports

The Bill Simmons Podcast
The Zach Lowe Show
The McShay Show
Fairway Rollin’
The Mismatch
The Ringer F1 Show
The Ringer Fantasy Football Show
The Ringer NFL Show
The Ringer NBA Show

Kultura/Lifestyle

The Rewatchables
The Big Picture
The Dave Chang Show
Recipe Club
Dissect

True Crime

Conspiracy Theories
Serial Killers