一個炒家（紐約／球鞋）的自白之風光不再
若果匿名的 Kyle 是「成功」炒家代表，咁真係辛苦晒
球鞋入手指南網站 Campless（跟住我做，你就唔駛紮營排隊）與一位紐約「著名」球鞋炒家訪談，炒家化名 Kyle Korver 揭秘，將自己 3 年炒賣經驗、收入與秘訣無私分享。訪問有趣程度與原文可讀性，好應拍成自傳。以下是翻譯節錄。
Kyle Korver 立志做炒家時，就決定一係唔做，係就要做 Number 1。由這天起，他就如球場上的 Kobe Bryant 勤力，實踐佢認為最有效的方法。他盡力走訪所有賣波鞋的舖頭，Online ＆ Offline，國內境外，找出所有後門捷徑，確保所有入手渠道暢通。幾年經驗積累，他熟知邊個網站國際郵費最平，邊間退稅。為入貨，他穿梭幾百個網站，儲埋一大疊 Nike Gift Card，張張都有標準訂價儲值。成件事有晒法則。
KK 最風光是 Nike Twitter RSVP 賣鞋安排，果個年代佢要炒邊對就邊對。除了做足所有事去令佢 Twitter RSVP 買到任何鞋外，他仲要用演技同所有鞋舖的每個層面職員到老闆混熟，透過呢幾招，佢由「呢條友」變成「咩都買得到嫁呢條友」。
如此履歷，到底全職炒家年收多少？兩年半下來， KK 純利年收 US＄48,000，大約月入 HK$32,000。2014 年技巧成熟，一年賣出 225 雙鞋；但因為開始僧多粥少，2015 年 6 月卻只有 35 雙，一雙利潤只有 US$87，半年平均月入降至 HKD＄19,000，亦因 Flight Club 賣鞋利潤最高而出現依賴傾向，雖然球鞋炒賣市場依然蓬勃，但未必如昔日風光。這個訪問，是否為轉型而鋪路呢？
