Ipinapakita ng Seiko ang Pinakabagong Presage na may “Shironeri” White Silk-Inspired Dial

Buod

• Ipinapakilala ng Seiko ang Presage Classic Series x Tomioka Silk Limited Edition, bilang paggalang sa mayamang pamana ng sericulture o paggawa ng seda sa Japan
• Ang 38mm na relo na may pink-gold plating ay tampok ang teksturadong, perlas-puting dial na ginagaya ang shironeri silk
• Limitado sa 2,000 piraso, ilulunsad ang relo sa Hulyo 2026

Nagdadagdag ang Seiko ng isang napakagandang limited-edition na relo sa Presage Classic Series, bilang pagdiriwang sa mayamang kasaysayan ng paggawa ng seda sa Japan sa pamamagitan ng kolaborasyon kasama ang Tomioka Silk Promotion Organization. Itinatag noong 1872, ang Tomioka Silk Mill ang naging puso ng industriya ng seda ng Japan at kinilalang UNESCO World Heritage Site noong 2014. Bilang pagpugay sa pamanang ito, tampok sa bagong Presage model ang dial na inspirasyon ng “shironeri,” isang dalisay na puting kulay na nalilikha sa maselang pagpino ng mga sinulid ng seda. Bilang parangal sa mga artisan ng rehiyon, magdo-donate ang Seiko ng bahagi ng kikitain mula sa koleksiyong ito sa Tomioka Silk Promotion Organization upang mapreserba at maipasa sa susunod na henerasyon ang tradisyunal na sining na ito.

Ang limited-edition na model (ref. HCC008) ay sumasagisag ng klasikong pino at elegante sa pamamagitan ng 38 mm stainless steel case na may pink-gold-colored na plating. Ang maselang desenyo ng dial nito ay kumukuha sa kinis at malamyos na bagsak ng Tomioka silk, na partikular na binibigyang-diin ang dalisay na kaputian ng isang bihirang uri ng silkworm na inaalagaan sa Gunma Prefecture. May pearl-like coating, maringal na kumikislap ang dial sa liwanag at nagbibigay ng sofisticadong ningning. Dinadagdagan pa ng dark brown na leather strap—na mula sa Leather Working Group-certified na tanneries—ang pink-gold-colored na case, isang kulay na tuwirang hinango mula sa eleganteng brick facade ng makasaysayang Tomioka Silk Mill.

Sa ilalim ng pinong teksturadong dial matatagpuan ang in-house Caliber 6R51 ng Seiko, isang automatic mechanical movement na may 24 jewels at three-day power reserve. Tumatakbo ang movement sa 21,600 vibrations per hour at maaaring masilayan sa pamamagitan ng see-through screw caseback. Limitado lamang sa 2,000 piraso sa buong mundo, ang eksklusibong relo na ito ay may retail price na €1,200 EUR (humigit-kumulang $1,140 USD) at magiging available sa Seiko Boutiques at piling retail stores sa buong mundo simula Hulyo 2026.