Euphoric Vision ni Pierpaolo Piccioli para sa Balenciaga FW26
Nakipag-collab siya sa ‘Euphoria’ creator na si Sam Levinson para ipalabas ang mga eksklusibong pira-pirasong eksena mula sa paparating na fourth season ng show sa naglalakihang LED screens sa buong venue.
Isinara ni Pierpaolo Piccioli ang ikalimang araw ng Paris Fashion Week sa isang Balenciaga show na wagas sa pagiging pasabog, kung saan inilahad niya ang kaniyang bagong pananaw para sa menswear ng fashion house, kasabay ng hanay ng matitinding womenswear para sa Fall/Winter 2026.
Dinumog ang show ng punô at star-studded na audience na kinabibilangan nina Labrinth, umuusbong na aktor na si Hudson Williams, at mga miyembro ng cast ng I Love LA cast. Para sa espesyal na okasyong ito, nakipagsanib-puwersa si Piccioli kay Euphoria creator Sam Levinson, na nag-project ng mga piraso ng nalalapit na ikaapat na season sa naglalakihang screen sa buong venue — isang cinematic na backdrop na sumasalamin sa kanilang parehong pagkahilig sa hilaw at tapat na emosyon ng tao.
Sa tugtugin nina Labrinth at Rosalía, naghatid ang Balenciaga menswear debut ni Piccioli ng isang electrifying na mix ng hooded coats, furry parkas, checkered gradients, at matitinding wool outerwear sa matingkad na primary hues. Hindi nagpahuli ang womenswear, na rumampa sa mga sleek na gown, graphic hoodies, at mga leather piece na may malakas na presensiya.
Pinamagatang “Clairobscur,” ipinakita sa ikalawang runway show ni Piccioli para sa fashion house ang 81 co-ed looks na maingat na nagbabalanse ng drama at pinong refinement. Dumating ang mga oversized wool coats na may pinalapad na kuwelyo na bumabalangkas sa neckline, habang ang maiitim na leather capes ay ipinares sa eerie na beauty looks at runway visuals ng mga nagmamadaling sasakyan. Nagbigay-estruktura ang off-shoulder outerwear at matatalim na houndstooth tailoring, habang balahibo, bulaklaking detalye, at waxed Canadian tuxedos ang nag-inject ng texture at galaw. Kumislap sa ilalim ng spotlight ang mga fireman-clasp coats at sequin-drenched gowns, lalo pang pinatindi ang theatrical na karakter ng koleksiyon.
Sa pagtatapos ng era ni Demna sa fashion house, binubuo ni Piccioli ang isang bagong naratibo para sa Balenciaga — isang direksiyong pinagdurugtong ang cinematic storytelling at couture-level na drama, na dinaragdagan ng bahid ng Euphoria sa bawat look na dumaraan sa runway.
Silipin nang mas malapitan ang Balenciaga FW26 sa gallery sa itaas.
