Tumatapak sa Masiglang Ritmo ang Burberry para sa SS26

Kabilang sina Central Cee, RAYE, at Sir Elton John sa mga bigating celebrity na namataan sa front row ng closing show ni Daniel Lee sa London Fashion Week, kung saan nangibabaw ang mga makabagong designer na nagpakitang-gilas ng pinakamahusay na talento ng Britanya.

Bilang pinakaaabangang palabas ng season, ang Burberry ay laging pista para sa pandama. Ang koleksiyong Spring/Summer 2026 ni Lee ay binuhay sa loob ng isang tent sa Perks Field sa ilalim ng bughaw na kalangitan, habang sumasabay sa indak ng masiglang musika ng London. Namayagpag ang retro vibe ngayong season—mula sa iba’t ibang dekada, tampok ang makukulay na checkered trench coat, pinalamutiang eveningwear, unisex suiting, at marami pa.

“Mula sa mga festival at stadium hanggang sa mga open-air concert, tuwing tag-init, nagiging buhay na buhay ang UK sa estilo at tunog,” ani Lee tungkol sa koleksiyon. Handang maki-party ang acid-washed denim, ipinares sa leather outerwear, mga floral graphic tee, at crochet sets. Nagbigay-kontrasta naman ang mga fringed coat sa kumikislap na metallic tops, mga scarf na may tarot-card print, at vintage aviator sunglasses, nagpinta sa runway ng matitingkad na kulay na pumipintig sa indayog ng Black Sabbath.

Silipin nang mas malapitan ang Burberry SS26 sa gallery sa itaas.