Sa Halagang ₱6,800 Lang, Maaari Nang Maging Iyo ang Isang Picasso

Buod

• Bumabalik ang charity raffle na “1 Picasso for 100 Euros,” na ipinapanalo ang 1941 na portrait ng pintor na “Tête de femme.”
• Sa halagang €100 EUR (humigit-kumulang $117 USD) bawat tiket, pipiliin ang mananalo sa Abril 14 sa Christie’s Paris.
• Mapupunta ang malilikom mula sa bentahan ng tiket sa Fondation Recherche Alzheimer, isang organisasyong Pranses na sumusuporta sa pananaliksik tungkol sa Alzheimer’s.

Bumabalik ang international charity raffle na “1 Picasso for 100 Euros,” na nagbibigay sa mga art lover ng pagkakataong maiuwi ang isang obra-maestra sa halagang €100 EUR (humigit-kumulang $117) lamang. Nasa ikatlong edisyon na ito, at nakasentro ang nalalapit na inisyatiba sa isang likhang 1941 ng dakilang Spanish painter, kung saan ang lahat ng kikitain ay ilalaan sa Fondation Recherche Alzheimer, isang organisasyong Pranses na sumusuporta sa pananaliksik tungkol sa Alzheimer’s. Ang masuwerteng mananalo, na mag-uuwi ng likhang nagkakahalaga ng €1 milyon (tinatayang $1.1 milyon), ay pipiliin mula sa hanggang 120,000 tiket sa Abril 14 sa Christie’s Paris.

Ang premyo ngayong taon ay ang “Tête de femme” (1941), isang gouache-on-paper na portrait mula sa koleksyon ng Opera Gallery. Nilikhâ ang piyesang ito sa panahong, ayon kay Olivier Picasso,inilarawan niyabilang isang “labis na kumplikadong” yugto sa buhay ng artista—isang tensiyong makikita sa mga pinong kayumanggi, abo at itim na tono ng likha.

May matunog nang reputasyon ang raffle na ito sa pag-transform ng mga ordinaryong kalahok bilang mga may-ari ng pambihirang mga obra. Sa unang edisyon nito noong 2013, napanalunan ni Jeffrey Gonano, 25, mula Pennsylvania, ang “L’Homme au Gibus” (1914), at ang nalikom ay nagpondo sa muling pagsigla ng tradisyonal na sining-kamay sa Tyre, Lebanon. Makalipas ang pitong taon, naiuwi naman ni Claudia Borgogno ng Italy ang “Nature Morte” (1921) ni Picasso matapos makatanggap ng tiket bilang regalo sa kaarawan mula sa kaniyang anak; ang malilikom noong edisyong iyon ay inilaan para sa rehabilitasyon ng mga balon sa Cameroon at Madagascar.

Para sa mas detalyadong impormasyon tungkol sa raffle at kung paano sumali, bumisita sawebsite.