Maglulunsad ang LEGO ng Totoong F1 Car: ‘LEGO Racing’ Sasabak sa F1 ACADEMY Grid Pagdating ng 2026

Habang pumapasok sa pinakamainit na bahagi ang linggo ng Las Vegas Grand Prix, inanunsyo ng The LEGO Group at F1 ACADEMY ang isang multi-year partnership na maghahatid ng isang all-new LEGO Racing car – na minamaneho ng Dutch driver na si Esmee Kosterman – na sasabak sa grid pagsapit ng 2026.

Inilunsad sa pitlane ng Las Vegas Strip Circuit, ang bagong partnership ng dalawa ay itinuturing na isa sa pinakaimportanteng brand collaborations na pumasok sa all-female series mula nang ito’y inilunsad noong 2023. Kasama rin sa kasunduang ito ang paglabas ng unang opisyal na F1 ACADEMY LEGO Speed Champions set, na maaari nang i-pre-order ngayon.

Ang 2026 season ay magmamarka rin sa unang kumpletong season ni Esmee Kosterman sa championship. Ang 20-anyos na racer, na unang sumabak sa F1 ACADEMY noong nakaraang taon bilang Wild Card sa kanyang home race sa Zandvoort, ay dumarating na may matitinding resulta sa iba’t ibang junior category, kabilang ang isang makasaysayang panalo sa Ford Fiesta Sprint Cup.

Tampok sa bagong sasakyan ni Kosterman ang isang eksklusibong LEGO Racing livery na nilikha ng in-house team ng The LEGO Group, na pinagsasama ang motorsport iconography at masayahing kulay at design language ng LEGO. Ang pattern ay gumagamit ng mga hugis na inspirado ng LEGO at isang stylised na checkered motif sa parehong sasakyan at driver suit, na pinaghalo ang real-world performance at ang malikhaing identidad na kaugnay ng brand.

Dumarating ang partnership na ito sa panahong mabilis na lumalawak ang audience ng F1 – lalo na sa mga kababaihan, na ngayon ay bumubuo ng 42% ng global fanbase, ayon sa pananaliksik ng The LEGO Group. Ipinapakita rin ng parehong pag-aaral ang tumitinding interes sa motorsport ng mga batang babae, kung saan 87% ang gustong makakita ng mas maraming oportunidad para sa mga kababaihan sa sport – at mahigit kalahati ang nakikita ang sarili nila bilang mga driver. Nilalayon ng collaboration na palakasin ang momentum na iyon sa pamamagitan ng mas mataas na visibility, representation, at access sa motorsport culture.

Ang unang produktong ilalabas mula sa partnership – ang LEGO Speed Champions F1 ACADEMY LEGO Race Car – ay binubuo ng 201 piraso, aerodynamic detailing, ang #32 race number ni Esmee at isang matching minifigure sa LEGO Racing colorway. Dinisenyo ang set para mailapit ang F1 ACADEMY grid sa mga mas batang fans habang ipinapakita ang pagtutok ng championship sa paghubog ng female talent.

Sa inaugural F1 ACADEMY event ngayong weekend sa Las Vegas Grand Prix, maghahandog din ang LEGO sa mga podium finisher ng custom na LEGO Botanicals Bouquets – na bawat isa ay binubuo ng mahigit 2,000 elements.

Tumungo sa website ng LEGO ngayon upang i-pre-order ang nalalapit na set o para mas makilala pa ang partnership.

Manatiling nakaantabay sa Hypebeast para sa mas marami pang balita mula sa Las Vegas Grand Prix ngayong taon…