Elon Musk 以「Tesla Graveyard」嘲諷 Apple

外界一路盛傳 Apple「秘密」研發電動車，甚至有 2019 這個目標上市日期，情報來源之一是 Apple 大手向 Tesla 挖角。剛於上星期推出萬眾期待 SUV Model X 的 Tesla 老闆 Elon Musk，一直忙於應付全球不同媒體訪問，德國報章 Handelblatt 有幸套出他對挖角傳聞的想法，答案辛辣無比：「佢地（Apple）請的都是被我地炒的人，我地成日都話 Apple 是 Tesla Graveyard。你係度撈唔掂咪過 Apple 囉，我唔係講笑。」對於 Apple 開發電動車，招積的他說「相當合邏輯」，只不過……「車唔似得智能手錶或手機咁簡單，你試下走去霍士康叫佢幫你整架車丫，睇佢畀咩你？」當然，識睇睇留言，大家不斷引用 Glassdoor 等機構對 Tesla 的工作環境評估，其評分不單遠低於 Google 與 Apple，甚至是矽谷平均值以下。 Tesla 係型，Space-X 係可能拯救人類，但老闆真係要積下陰德，最少口德。